филиал вгтрк государственная телерадиовещательная компания “Алания”

Цæгат Кавказы хæххон металлургон институты ацыди æрдзхъахъхъæныны æппæтуæрæсейон æхсæнады 95 азы кадæн кадджын конференци. Мадзал æххæстгæнгæйæ хорзæхгонд æрцыдысты рееспубликон экологон конкурсы уæлахиздзаутæ. 1924-æм азæй æрдзхъахъхъæныны æхсæнад активонæй архайы бæстæйы экологи æмæ æрдзыл узæлын. Цæгат Ирыстоны экологи бахъахъхъæныныл æнæрлæугæйæ кусы регионалон организаци. Республикæйы æнтыстджынæй æххæстгонд æрцыди  цъæхфæлысты акци. Дзæуджыхъæуы æмæ районты цæрджытæ зæрдиагæй архайдтой талатæ æмæ æндæр зайæгойтæ садзыны хъуыддаджы. Нæ алыварс фæзуæттæ фæхъæздыгдæр сты 30 мин бæлас æмæ къутæрæй.