11 августа 2020, 11:36
Цæгат Кавказы хæххон металлургон институты йæ куыст райдыдта Æппæтуæрæсеон конференци
Йæ архайджытæ нысан кæнынц нормативон документаци бацæттæ кæнын
Цæгат Кавказы хæххон металлургон институты йæ куыст райдыдта Æппæтуæрæсеон конференци. Ныхас дзы цæуы промышленнон æдасдзинадыл, æмæ цæудзæн 4 боны. Йæ архайджытæ нысан кæнынц нормативон документаци бацæттæ кæнын. Уый фæрцы зынгæ фæахадгæдæр уыдзæн хæххон районты гом арвы бын куыстыты рæстæг æдасдзинад.
Конференцийы архайынц хæххон промышленносты къабазы раззагдæр ахуыргæндтæ Уæрæсейы алы регионтæй. Наукон ныхасæй дарддæр ма конференцийы фæткы уыдзæн практикон ахуыртæ дæр. Фарстамæ бæстон æркæсдзысты, æмæ йыл æрдзурдзысты Цæгат Ирыстоны хæххон куыстуæтты архайды дæнцæгыл.