15 ноября 2022, 11:27
Центр «Æууæнк»-ы арæзт æрцыд уагдæтты педагогты наукон-практикон конференци
Йæ темæ – инклюзивон ахуырад
Диагностикæйы æмæ консультацийы психологон центр «Æууæнк»-ы арæзт æрцыд скъолайы агъоммæйы æмæ астæуккаг ахуыргæнæн уагдæтты педагогты наукон-практикон конференци. Йæ темæ – инклюзивон ахуырад. Горæты ахуыргæнæндæтты педагогтæ бацæттæ кодтой тематикон докладтæ æмæ презентацитæ. Радзырдтой, йе нæниздзинад хъыгдард кæмæн у, уыцы сывæллæттимæ цавæр методикæтæм гæсгæ кусынц, уый тыххæй. Мадзалы архайдта 120 ахуыргæнæджы онг. Конференци бабæрæг кодтой Дзæуджыхъæуы муниципалон сконды сæргълæууæджы хæстæ рæстæгмæ æххæстгæнæг Сæлбиты Зитæ æмæ горæты администрацийы сæргълæууæджы хæдивæг Ходы Мæдинæ.
темæмæ гæсгæ
