Афтæмæй æххуыс кæнынц сæрмагонд æфсæддон операцийы архайджытæн
Центр «Мой бизнес»-ы хъæппæрисæй арæзт æрцыдысты тренингтæ, финансон зонындзинæдтæ фæфылдæр кæныны нысанимæ. Афтæмæй æххуыс кæнынц сæрмагонд æфсæддон операцийы архайджытæн. Мадзалы архайджыты фæрстытæн специалисттæ радтой бæлвырд дзуæппытæ. Бæстондæр хабæрттæ радзурдзæн Фидараты Маринæ.
Райдайгæ амалхъом адæймаг Руслан Курбанов сфæнд кодта къозотæ зайыны куыст кæнын. Майы рамбылдта грант, æмæ дзы балхæдта æнæмæнг хъæугæ кусæнгрæзтæ. Сцалцæг кодта бæстыхай æмæ дзы скодта куыстадон фæз.
Руслан Курбанов у сæрмагонд æфсæддон операцийы ветеран. Куы æрыздæхти, уæд сфæнд кодта, хи хъуыддаг байгом кæнын. Сæрмагондæй ахæм адæмæн амалхъомдзинады рæзты центры арæзт цæуынц финансон зонындзинæдты тренингтæ. Архайджытæ байхъуыстой лекцитæм, лæвæрдтой фæрстытæ æмæ истой бæстон дзуæппытæ.
Теорийæ рахызтысты практикæмæ. Бабæрæг кодтой æхсæнадон хæрæндæттæ, æмæ хæринаггæнæн цех. Федтой, куыст куыд цæуы, уый, æмæ та ногæй лæвæрдтой фæрстытæ.
Мадзал арæзт цæуы национ проект «Ахадгæ æмæ ерысхъом экономикæ» æххæст кæнгæйæ.
Практикæ куыд æвдисы, афтæмæй æфсæддон адæм æнцонтæй схизынц бизнесы уæлдæр къæпхæнтæм дæр. Зын уавæрты уынаффæтæ хæссын æмæ ма финансон зонындзинæдтæ исын сты хорз бындур. Уыдоны фæрцы зноны æфсæддонтæн бантысы сабыр царды дæр хи хъуыддаг байгом кæнын, æмæ йæ рæзтыл кусын. Афтæмæй дæр пайда хæссынц нæ бæстæйы экономикон цардæн.
