Курдиатджын фæсивæд ахыр кæнынц меценат Хæдарцаты Махарбеджы руаджы
ЦИПУ-йы аивæдты факультеты æмбырд кæнынц студентты, сæрмагондæй Ирон театры кусынмæ. Курдиатджын фæсивæд ахыр кæнынц меценат Хæдарцаты Махарбеджы руаджы. Ныр студенттæн цæуынц профессионалон фæлварæнтæ. Равзæрстой æппæтæй цымыдисагдæр хъайтарты. Зæгъын ма хъæуы уый дæр, æмæ домæнтæй иу у ирон æвзаг иттæг хорз зонын. Студенттæ сæхи фæлварæнтæм куыд цæттæ кодтой, уый тыххæй радзурдзæн Тъехты Элинæ.
Гыццыл сценæйы равдисын авиалайнеры хуылф, цæмæй адæм банкъарой уæларвон тых. Бирæтæн гыццыл равдыст цы у, уый Сихъоты Фаризæйæн у цымыдисаг фæлварæн. Фарстатимæ билетты бæсты – театралон этюд. Сæйраг хæс – хъайтары цард банкъарын æмæ цалдæр дæсныйады равдисын.
Медицинон æмæ радиойы кусæг, бармен æмæ ма аргъуаны дзæнгæрæг чи фæкæны, уый дæр. Æдæппæтæй 9 дæсныйады. Фæсивæд цæттæ кодтой сентябры райдайæнæй. Сæхицæн æвзæрстой æппæтæй цымыдисагдæр хъайтарты. Фæлварæн «Профессионалон фæлтæрддзинад»-ы руаджы дæсныйад иттæг хорз нæ базондзысты, фæлæ равдисдзысты цалдæр дæсныйады.
Цалынмæ иу ахуырдзау сценæйы йæ арæхстдзинад æвдисы профессионалон фæлварæны, уæдмæ сценæйы фæстæ иннæтæ сæхи цæттæ кæнынц. Иу этюдæй иннæйы хсæн ис æрмæстдæр цалдæр минуты. Уыцы рæстæгмæ хъуамæ бацæттæ кæной декорацитæ, аивой сæ уæлæдарæс æмæ сæхи сахорой. Студенттæ куыд зæгъынц, афтæмæй ацы куысты сæйрагдæр у иумæ архайын.
Ацы фæсивæдмæ уæлдай цæстдард цæуы. Иууылдæр сты Ирон театры сæрмагонд æмбырды студенттæ. Ахуыр кæнынц меценат Хæдарцаты Махарбеджы руаджы. Ахуыргæнджытæ куыд зæгъынц, афтæмæй къордимæ кусгæйæ уæлдай тынгдæр кæсынц ирон æвзаг куыд зонынц, уымæ. Куыстытæ цæуынц, цæмæй национ театрмæ æрбацæугæйæ студенттæ иттæг хорз зоной ирон æвзаг.
