Сæ куысты стыр æнтыстдзинæдтæ кæмæ ис, уыцы кусджытæн университеты ректор радта кады гæххæттытæ
ЦИПУ-йы арæзт æрцыди ахуыргæндты советы æмбырд. Сæ куысты стыр æнтыстдзинæдтæ кæмæ ис, уыцы кусджытæн университеты ректор радта кады гæххæттытæ. Огъуаты Алан куыд фæнысан кодта, афтæмæй университеты кусджытæ бирæ азты архайынц ахсджиаг проекттыл æмæ бæстæйы наукæйы рæзтмæ хæссынц стыр æвæрæн. Ахуыргæндты советы куысты архайдтой регионы Æхсæнадон палатæйы сæрдар Нина Чиплакова æмæ республикæйы парламенты сæрдар Тускъаты Таймураз. Æмбырды йе 65 азы юбилейы фæдыл кад скодтой историон наукæты доктор Бзарты Русланæн. Парламенты сæрдар юбилярæн арфæ ракодта, æмæ загъта, наукæмæ æмæ рæзгæ фæлтæры хсæн рухстауæг куыст кæнынмæ æгæрон æвæрæн кæй хæссы, уый тыххæй. Уæвгæ, наукæйы рæзтыл ЦИПУ-йы кусынц æнæрлæугæйæ. Зæгъæм, ныртæккæ уæлдæр ахуыргæнæндоны студенттæ курдиæттæ балæвæрдтой конкурс «Студенческий стартап»-мæ. Арæзт цæуы федералон проект «Университеты технологон амалхъомдзинады платформæ»-йы фæлгæты.
