Мадзал арæзт æрцыди адæмты хсæн фæсивæдон форумы фæлгæты.
«Адæмы миддуне æмæ химбарынад бахъахъхъæнын – Уæрæсейы фидæны бындур». Уый уыди ЦИПУ-йы цы регионалон -практикон конференци ацыди, уый темæ. Мадзал арæзт æрцыди адæмты хсæн фæсивæдон форумы фæлгæты. Конференцийы раныхас кодтой Цæгат Ирыстоны Сæргълæууæджы администрацийы разамонæг Гобеты Ибрагим, национ политикæ æмæ æддагон бастдзинæдты министр Бæгъиаты Алан, республикæйы æхсæнадон палатæйы сæрдар Нина Чиплакова. Конференцийы архайджыты раз раныхас кодтой Дзæуджыхъæуккаг æмæ Алайнаг Архиепископ Герасим, стæй Цæгат Ирыстоны муфти Гуæцæлты Хадзымурат. Студенттимæ æрныхас кодтой историон – культурон бынтæ бахъахъхъæныныл, национ иудзинадыл, бинонты хсæн ахастдзинадтæ æхсæнады цæсгом кæй сты, ууыл. Конференци у фембæлдтыты серийы иу хай. ЦИПУ-йы динты хсæн æппæтадæмолн фæсивæдон форумы фæлгæты цæуынц сæрмагонд æмбырдтæ. Мадзæлттæ æххæст кæнынц Уæрæсейы 53 субъекты. Форум йæхæдæг та райдайдзæн 17-æм октябры.
