Юлия Лавриненко 30 азмæ хæстæг иртасы зайæгойтæ æмæ сæ æууæлтæ
ЦИПУ-йы доцент фæлвары наукæйы бæрзæндæм схизыныл. Юлия Лавриненко 30 азмæ хæстæг иртасы зайæгойтæ æмæ сæ æууæлтæ. Архайы, йæ зонындзинæдтæй нæ алыварс дуне фæхуыздæр кæныныл, бæлвырддæр та адæмы æнæниздзинад фæтыхджындæр кæныныл. Юлия иртасы æрмæст дзæбæхгæнæн цайтæ нæ, фæлæ æнæхъæн фитокомплекстæ дæр. Зынгæ фæтыхджындæр кæнынц адæймаджы иммунитет.
Юлия Лавриненко у ботаник. Цæгат Ирыстоны паддзахадон университеты студенттæн лекцитæ кæсы ныр 28 азы. Фæстаг 4 азы та йæ зонындзинæдтæ æмæ фæлтæрддзинадæй пайда кæны ног къабазы. Йæ разамындæй æмбырдгонд цæуынц, æнæниздзинадæн пайда чи у, ахæм кæрдæджытæ.
Дыууæ мины нудæсæм азы кæрон Юлия Лавриненко архайдта программæ «Старт»-ы, алы аз æй расиды республикæйы инновацитæн æххуысы фонд. Цы грант дзы райста, уый фæрцы райдыдта, имуннитетæн фитокомплексы куыст кæнын.
Ныртæккæ сæ рауагъдады ис зайæгойты 30 хуызы æмæ ма уыдонæй æмхæццæйæ 11 хуызы. Кæд раздæр ахуыргæндты къорд цайтæн сæхæдæг æмбырд кодтой хæххон кæрдæджытæ, уæд сын ныр ис æххуысгæнджытæ. Фæлæ цавæрдæр кæрдæджытæ æрæмбырд кæнын никæуыл æууæндынц.
Тагъд сæрмагонд хъомылгæнæн бынæтты ныссаддзысты, динозаврты рæстæг чи зади, ахæм бæлæсты хуызтæ.
Стыр базарадмæ рацæуыны хъуыдытæ дæр сæм ис. Фæлæ уый фидæны. Юлия Лавриненкомæ ис бирæ хъуыдытæ æмæ фæндтæ. Уымæн æм ис фидар бындур, разæй та йæм æнхъæлмæ кæсы ноджы стырдæр æнтыстытæ.
