Универститеты 15 факультеты бацæттæ кодтой цымыдисаг программæ
ЦИПУ-йы дыууæ боны цыдысты наукæйы бонтæ. Универститеты 15 факультеты бацæттæ кодтой цымыдисаг программæ. Дыууæ боны регионы цæрджытæн фадат уыдис раззагдæр ахуыргæндты лекцитæ, наукон квизтæ, рухстауæн марафонтæ, æмæ зонадон равдыстытæ бабæрæг кæнынæн. Уымæй уæлдай, алкæйы бон дæр уыд дæсныйадæвдисæг ахуырты архайын, стæй наукон-популярон кинонывтæ фенын. Мадзал байгом кодтой кадджын уавæры, уыцы рæстæг ма хорзæхгонд æрцыдысты 2023-æм азы наукон-иртасæн конкурсы уалахиздзаутæ дæр. Университеты куыд фæбæрæг кодтой, афтæмæй наукæйы бонты фæрцы фæсивæды ргом фылдæр раздахæн ис иртасæн куыстмæ.
Наукæйы бонты фæлгæты ЦИПУ-йы «Юнеско»-йы залы ацыд УФ-йы наукæйы сгуыхт кусæг, филологон наукæты доктор Салæгаты Зойæйы мысæн изæр. Йæ уарзон факультет ын бæрæг кæны йæ райгуырды 100 азы бон. Республикæйы зындгонд ахуыргонд йæ цард снывонд кодта наукæйæн. Ирд æмæ курдиатджын рухстауæг, архæйдта чиныгкæсæджы историон æмæ наукон хъуыдыкæнынад фæхъæздыгдæр кæныныл, мадæлон æвзагыл аив дзырд бауарзын кæныныл. Нæ республикæйы 5 мин филологгæй фылдæры фæци Зойæйы ахуыргæнинаг суæвыны амонд. Йæ наукон къæбицы ис 100 куыстæй фылдæр.
