Се *ппæт ингредиенттæ сты æрдзон
Цæгат Ирыстоны паддзахадон университеты хойрæгты технологийы кафедрæйы цæттæ кæнынц хусгонд хъæрмхуыппытæ сæрмагонд æфсæддон операцийы архайджытæн. Се *ппæт ингредиенттæ сты æрдзон. Зæгъын ма хъæуы уый. æмæ цæттæ продукт хæдзары конд хæринагæй ницæмæй хицæн кæны. Хъæрмхуыппытæ сты пайдайаг, бæззынц бирæ рæстæг, стæй ма бирæ бынат дæр нæ ахсынц. Бæлвырддæр радзурдзæн Хъайтмазты Дзерассæ.
Æрмæст æрдзон ингредиенттæ, æнæ химийæ – дегидраторы хусгонд халсартæ, хус басы хæццæ æмæ уды хъарм. Цæгат Ирыстоны паддзахадон университеты хойрæгты технологийы кафедрæйы кусджытæ цæттæ кæнынц хусгонд хъæрмхуыппытæ æфсæддонтæн.
Цæмæй хæрзæххæст æмбырдгонд рауайа, уый тыххæй чысыл рæстæг нæ бахъуыд, фæлæ алцыдæр къухы бафтыд. Фыццаг партиимæ арвыстой борщ, уый фæстæ бавнæлдтой æндæр рецепттыл бакусынмæ. Ныртæккæ кафедрæйы цæттæ кæнынц халсартæй хъæрмхуыппытæ – иутæн сæ бындуры – тымбыл хъæдур. иннæтæн – кабачок, фæнд ма кæнынц хъæдурæй æмæ зокъотæй кæнын.
Хусгонд хъæрмхуыппытимæ тыхтонтæ бирæ бынат нæ ахсынц, сты рог. Хъæрмхуыппы хæццæйыл фыцгæдон æркæнынц æмæ вæййы цæттæ. Бæлвырд пропорцитæ, æмæ рауайы хæрзад æмæ хæрзхъæд хойраг, зæгъынц специалисттæ. Хусгонд хъæрмхуыппытæ бæззынц цалдæр мæйы дæргъы, вакуумон упаковкæ сын кæй ис, уый фæрцы. Студенттæ активонæй архайынц ацы хъуыддаджы.
Кафедрæйы ма цæттæ кæнынц хусгонд æхсыры каштæ дæр. Зæгъæм, сауфагæйæ. Фæнд кæнынц хойрæгты номхыгъд фæпарахатдæр кæнын, стæй порциты бæрц фæфылдæр кæнын. Се *ппæт хойрæгты дæр иу кæны ингредиентты сæрмагонд æмбырдгонд. Уый у, йæ хæстон хæс чи æххæст кæны. уыдоныл аудындзинад æмæ уарзондзинад.
