Кæд æмæ дуканиты фенæн ис алыхуызон фæрæзтæ, уæддæр уыдон се ппæтæн нæ бæззынц.
Санкцитимæ баст уавæр зынгæ фæбæрæг не рвылбоны цардыл. Дуканиты тæрхæджыты цы æнæмæнг хъæугæ товартæ уыди, уыдоны нымæц фæкъаддæр. Сæвзæрд уавæр аивыны фæнд скодтой бынæттон куыстуæттæ æмæ суанг ахуыргæндтæ дæр. Цæгат Ирыстоны паддзахадон университеты наукон кусджытæ æмæ педагогтæ райдыдтой, абарæн кæмæн нæй, ахæм продукци уадзыныл кусын. Зæгъæм, ныр цалдæр азы фæдфæдыл университеты лабораториты аразынц дæндæгтæхсæн пастæйы алы хуызтæ. Кæд æмæ дуканиты фенæн ис алыхуызон фæрæзтæ, уæддæр уыдон се ппæтæн нæ бæззынц. Алы адæймагæн дæр йæхи домæнтæм гæсгæ дæндæгты пастæ саразыны хъуыды фæзындис медицинон факультеты деканмæ. Проект царды куыд уадзынц, уый тыххæй бæстондæр радзурдзæн Гуытъиаты Алинæ.
Цæгат Ирыстоны паддзахадон университеты лабораториты цалдæр азы фæд фæдыл аразынц дæндæгтæхсæн пастæйы алы хуызтæ. Дуканиты тæрхæджыты ис фенæн алыхуызон фæрæзтæ, фæлæ уыдон сеппæтæн нæ бæззынц. Алы адæймагæн дæр йæхи домæнтæм гæсгæ дæндæгты пастæ саразыны хъуыды фæзындис медицинон факультеты декан Давид Чонишвилимæ. Проектæн та разамынд дæтты фундаменталон медицинæйы кафедрæйы сæргълæууæг Царахаты Ларисæ.
Дæндæгты пастæйыл кусынц студенттæ, дæндæгты дохтыртæ æмæ провизортæ. Рынчыны фыццаг фены стоматолог, сбæрæг ын кæны йæ низ æмæ фæзæгъы йæ фиппаинæгтæ, цавæр хостæ йын баххуыс кæндзысты, уый тыххæй. Дарддæр та провизор-технолог сцæттæ кæны пастæ, химик-аналитик та йæ лабороторон уагæй равзары.
Ахуыргæндтæ куыд зæгъынц, афтæмæй сæ продукци аразгæйæ антибиотиктæй нæ пайда кæнынц, фæлæ кусынц æрдзон хомаг æмæ сульфаниламидтимæ. Лавандæ, пысыра, æрвдидин — ацы зайæгойтæ алчидæр зоны. Уæдæ сæ дзæбæхгæнæн миниуджытæ дæр æмбисонд сты — зæгъынц провизортæ.
Дунеон санкцийы уавæрты дуканиты тæрхæджыты дæндæгтæхсæн фæрæзты хуызтæ зынгæ фæкъаддæр сты. Уæдæ æргътыл дæр хорз бафтыд. Уыцы хъуыддаджы университеты лабораторийы æрхъуыдыдзинадæн йæ бон у уавæр сраст кæнын. Пастæтæй уæлдай аразынц дæндæгтæ æнхъæвзæн дон, фидæны ма сыл бафтдзæн профилактикон пастæтæ.
ЦИПУ-йы ахуыргæндты æрхъуыдыдзинæдтæ райстой патент. Агурынц сæ Уæрæсейы алы регионты. Фæлæ цæмæй продукци парахатæй фæлхасгæнджытæм хæццæ кæной, уымæн сын авналæнтæ нæй — хъæуы сæ инвестортæ. Ахуыргæндтæ зонынц, се рхъуыдыдзинæдтæ æхсæнадæн стыр пайда кæй æрхæсдзысты, уый.
