Сæрмагонд кусæнгæрзты фæрцы æххæст кæнынц алыхуызон эксперименттæ фармацияйы æмæ косметологийы къабæзты
Цæгат Ирыстоны паддзахадон университеты студенттæ-фармацевттæ практикæйы рæстæг цæттæ кæнынц косметикон æмæ дзæбæхгæнæн фæрæзтæ. Сæрмагонд кусæнгæрзты фæрцы æххæст кæнынц алыхуызон эксперименттæ фармацияйы æмæ косметологийы къабæзты. Активонæй архайынц наукон конференциты. Æрыгон ахуыргæндты иртæстыты тыххæй бæстондæр радзурдзæн Хъайтмазты Дзерассæ.
Ныридæгæн студенттæ-фармацевттæ кусынц дзæбæхгæнæн фæрæзтæ, биологон æгъдауæй активон препараттæ æмæ косметикæ скæныныл. Практикæйыл йæ фидæны дæсныйадимæ зонгæ кæны НунЕ Галстян. Технологи бæлвырд æххæстгæнгæйæ кусы дзæбæхгæнæн эффектимæ гелы рецептыл. Æппæт компоненттæ сты æрдзон, студенттæ сæ сæхæдæг æмбырд кодтой.
Афтекты практикæ кæнын, хи хъуыддаг æххæст кæнын. Студенттæ æвзарынц компоненттæ æмæ кæнынц хойрæгтæн биологон æгъдауæй активон уæлæмхасæнтæ. Зæгъæм, хроникон фæллады æууæлтæ къаддæр кæнынæн. Цæмæй препарат уæй кæнынмæ рауадзой, уый тыххæй студентты хъæуы бирæ иртæстытæ сæххæст кæнын – бæлвырддæр йæ архайд сахуыр кæнын. Уымæй уæлдай ма æрыгон ахуыргæндтæ кусынц косметикон фæрæзтимæ дæр. Цæстдардты æмæ фæлтæрæнты фæрцы студенттæ иртасынц, сæхæдæг кæй скодтой, уыцы гельтæ æмæ кремтæ. Архайынц наукон конференциты. Зонындзинæдтæм тырнындзинад факультеты хорзыл нымайынц. Хуыздæр студенттæ исынц бæрзонддæр æмæ президентон стипендитæ. Регина Поладашвили у фидæны технолог. Ныридæгæн стажировкæ кæны афтечы. Куыд зæгъы, афтæмæй факультеты ахуыр кæнын зын у, фæлæ уыимæ цымыдисаг.
Студенттæн ис экперименттæ кæныны фадат. Афтæ лабораторийы гæнæн ис таблеткæтæн сæ фидардзинад сбæлвырд кæнын. Хъуамæ ма сæттой æмæ ма фаз кæной. Уый тыххæй ис, сæрмагонд аппараты фæрцы кæй æххæст кæнынц, ахæм метод. Багаты Давид у 5-æм курсы студент. Уæндонæй архайы лабораторон кусæнгæрзтыл. Лæппу у Цæгат Ирыстоны паддзахадон университеты æфсæддон-ахуырадон центры рауагъдон.
Студенттæ цы методикæтыл бакуыстой, уыдонмæ гæсгæ Стъараполы крайы санаториты адæм цæуынц реабилитаци. Цæгатирыстойнаг ахуыргæндтæ цæттæ кæнынц дзæбæхгæнæн сæрмагонд дæндæгты пастæтæ. Семæ æмгуыстад кæны коллагены куыстгæнæн егъаудæр Стъарапойлаг компани дæр. Фæсивæд куыстмæ рацæуын фæнд кæнынц, профессионалон архайды фæлтæрддзинадимæ.
Факультеты ахуыр кæнынц æндæр регионтæй студенттæ дæр. Æрыгон ахуыргæндтæн аразынц зæрдæмæдзæугæ уавæртæ. Уалдзæджы фæнд кæнынц ног лаборатори байгом кæнын. Ныридæгæн балхæдтой наукон кусæнгæрзтæ, сцалцæг кодтой кабинеттæ.
