Йæ архайджытæ сæ разамонджытимæ скодтой гом уроктæ психологийæ
Цæгат Ирыстоны паддзахадон университеты «Точка кипения»-йы царды уадзын райдыдтой профориентацион проект «Педагогическая проба». Йæ архайджытæ сæ разамонджытимæ скодтой гом уроктæ психологийæ. Экспертон къамис аргъ кодта, проекттæ арæзт куыд æрцыдысты, æмæ сын презентацитæ куыд скодтой, уымæн. Проект «Педагогическая проба» арæзт фæцæуы ахуыргæнæджы дæсныйад парахатдæр кæныны тыххæй. Бæлвырддæр та, хистæр кълæсты ахуырдзаутæн æмæ педагогон колледжы рауагъдонтæн профориентацион куыст кæнынæн. Проекты сæйрагдæр нысантæм хауы: ахуырдзауты сфæлдыстадон гæнæнтæ æргом кæнынæн æппæт уавæртæ аразын, стæй педагогон культурæйы рæзтыл кусын. Уымæй дарддæр фидæны педагогты профессионалон дæсныдзинадыл архайын, æмæ йын йæ кад бæрзонддæр кæнын.
