Аразынц æй, «Хъæуккаг территориты комплексон рæзты» паддзахадон программæ æххæст кæнгæйæ
Цыколайы нырыккон спортивон комплекс йæ дуæрттæ байгом кæндзæн иннæ аз. Аразынц æй, «Хъæуккаг территориты комплексон рæзты» паддзахадон программæ æххæст кæнгæйæ. Ног объекты фадат уыдзæн æрмæст тренировкæ кæнынæн нæ, фæлæ ма алыхуызон ерысты арахынæн дæр. Бæлвырддæр хабæрттæ радзурдзæн Хъайтмазты Дзерассæ.
Нырыккон спортивон комплексы баиу уыдзысты цалдæр фæзы – баскетболæй, мини-футболæй, волейболæй æмæ бадминтонæй хъазынæн. Ам ис тренажерты зал дæр. Ныртæккæ специалисттæ фæвæййынц дыккаг уæладзыг амайын, райдайдзысты бæстыхайы сæр æмбæрзын. Уыцы-иу рæстæг æвæрынц инженерон коммуникацитæ дæр.
Дыккаг уæладзыджы уыдзæн тренажерты зал, скæндзысты ма аэробикæйы æмæ иумæйаг спортивон цæттæдзинады студи дæр. Фыццаг хатт Цыколайы фæзындзæн боксы секци. Архайыны фадат дзы уыдзæн сывæллæттæн дæр, æмæ хистæр кары адæмæн дæр. Ног объект аразынц федералон фæрæзты хардзæй. Паддзахадон программæ «Хъæуккаг территориты комплексон райрæзт» æххæстгæнгæйæ радих кодтой – 255 милуан сомы бæрц.
Спорткомплексы фадат уыдзæн иу рады 100 адæймагæн архайынæн. Йæ фæзуат – 5 мин квадратон метры. Ног объекты гæнæнтæ уыдзæн æрмæст тренировкæ кæнынæн нæ, фæлæ ма алыхуызон ерыстæ аразынæн дæр. Комплекс хъуамæ сцæттæ уа иннæ аз.
