Ныртæккæ куыстытæ цæуынц фидæны курортмæ бацæуæны дыккаг хайы
Туристон-рекреацион комплекс «Мамысоны» арæзтад дарддæр ахадгæйæ цæуы. Ныртæккæ куыстытæ цæуынц фидæны курортмæ бацæуæны дыккаг хайы. Фæндаджы фыццаг хай æмæ туннель ныридæгæн цæттæ сты. Проектмæ гæсгæ æххæстгонд æрцæудзæн фæндæгты цур сервис дæр. Бæлвырддæр радзурдзæн Хъайтмазты Дзерассæ.
Болæтаты Альберт кусы туристтимæ. Куыд зæгъы, афтæмæй республикæйы уылты чи фæцæуы, уыдон Цæгат Ирыстон фыццаг бакастæй бауарзынц. Автотуризм ахадгæйæ рæзы, уый та нысан кæны, инфраструктурæ домæнтæн хъуамæ дзуапп кæй дæтта.
Рухсытæ, видеоцæстдарды æмæ зынгсирвæзтыты ныхмæ системæтæ. Туннель фыццаг арæзт уыд куыд технологон, афтæ. Реконструкцийы фæстæ дзуапп дæтты транспортоны домæнтæн. Æххæстгонд куыстытæ сты хæххон-рекреацион зонæмæ фæндаг аив кæныны къæпхæнтæй æрмæст иу.
15 азы размæ Мамысонмæ уыд æрмæст зæхцъар фæндаг. Ныртæккæ Транскамæй Дæллаг Зæрæмæджы хиды онг хай дзуапп дæтты 2 категорийы фæндæгты домæнтæн. Цæуынæн бæзгæ фæндаг фæуæрæхдæр кодтой, фæндаджы уæлцъар сфидар кодтой, дуртæ хауынæй æмæ ламидæттæй хъахъхъæнæн фæрæзтæ сæвæрдтой. Куыстытæ фесты 2023-æм азы кæрон нысангонд æмгъуыдæй раздæр.
Ныртæккæ цæуы фæндаджы дыккаг хайы арæзтад. Йæ дæргъ – 14 километры. Транспорты æмæ фæндаггон инфраструктурæйы комитеты минæвæрттæ куыд радзырдтой, афтæмæй рахастой, ног технологитæй ма пайда кæныны уынаффæ, уымæн æмæ арæхдæр уыдон вæййынц эксперименталон. Пайда кæнынц геохызтæй, асфальтобетон фидардæргæнæн уæлæмхасæнтæй, дренажон системæтимæ быцæугæнæн къултæй.
Къахдзоныгътыл бырæн æмæ бальнеологон сезоны ралæудимæ зынгæ фæфылдæр уыдзæн транспорты нымæц, æмæ уый фæндаггон куыстытæ æххæстгæнгæйæ хыгъд цæуы. Туризмы комитеты цæттæ кæнынц инфраструктурæ аразынмæ.
Проектмæ гæсгæ хæххон-рекреацион комплекс «Мамысон»-ы курортон зонæ бацахсдзæн 600 квадратон километры, 20 километры къахдзоныгътыл бырæн трассæтæ, 2 бæндæн фæндаджы. Стыр инвестпроект хъуамæ æххæстгонд æрцæуа ацы аз.
