Федта селекцион æмæ мыггæгты куыстгæнæн наукон центр
Республикæйы Парламенты сæрдар Тускъаты Таймураз бабæрæг кодта Хæххон паддзахадон аграрон университет. Федта селекцион æмæ мыггæгты куыстгæнæн наукон центр. Хауы йæм 2 нырыккон лабораторийы. Специалисттæ Парламенты спикерæн радзырдтой сæ куысты хицæндзинæдты æмæ райрæзты гæнæнты тыххæй. Тускъаты Таймураз уыд университеты студентты æмæ кусджыты наукон-иртасæн æнтыстдзинæдты равдысты дæр. Административон корпусы фойейы фæсивæд равæрдтой сæ куысты хатдзæгтæ. Картофы цалдæр хуызы, цыхтытæ, дзул æмæ адджын гуылтæ. Алы продукт дæр, абарæн кæмæн нæй, ахæм. Фæсивæдимæ аныхас кæныны фæстæ Тускъаты Таймураз скодта æмбырд. Куыд загъта, афтæмæй ахуыргæнæндонæн йæ бон у, ныртæккæ аграрон наукæйы раз цы хæстæ лæууы, уыдон лыг кæнын.
