Æппæтадæмон патриотон акци 8-æм хатт сарæзта парти «Иугонд Уæрæсе»
Уæлахизы диктант ныффыстой Цæгат Ирыстоны. Æппæтадæмон патриотон акци 8-æм хатт сарæзта парти «Иугонд Уæрæсе». Республикæйы историон тест ныффыссынæн байгом кодтой 200 фæзæй фылдæр, куыд Дзæуджыхъæуы, афтæ районты дæр. Комкоммæ акцийы архайдта 7 мин адæймагæй фылдæр. Се хсæн алы æмвæзады депутаттæ, министрадты, ведомствæты æмæ национ-культурон æхсæнадты минæвæрттæ. Тест сæххæст кæнын уыд он-лайн хуызы дæр. Ацы аз диктант баст уыд маршал Георгий Жуковы райгуырды 130 азимæ. Хæслæвæрдты уыд фæрстытæ æндæр советон хæстон разамонджыты, ацы азы ахсджиаг цауты тыххæй, стæй сæрмагонд æфсæддон операцийы темæмæ гæсгæ дæр. Тест ратæлмац кодтой 10 æвзагмæ, сæ хыгъды англисаг, китайаг, араббаг æмæ фыццаг хатт – къаæрейагмæ.
