Бархионтæ ногæй рацыдысты мин æмæ фондз сæдæ горæты æмæ хъæуы уынгтæм, цæмæй адæмæн байуарой хæстон намысы символ
Уæлахизы волонтертæ радон хатт расидтысты Æппæтуæрæсеон акци «Георгийы лент». Бархионтæ ногæй рацыдысты мин æмæ фондз сæдæ горæты æмæ хъæуы уынгтæм, цæмæй адæмæн байуарой хæстон намысы символ. Акци фæцæуы алы аз дæр. Традицимæ гæсгæ райдайы апрелы 20-æм бонты æмæ ахæццæ вæййы суанг 9-æм майы онг. Уыцы мгъуыдмæ Уæрæсейы Федерацийы æмæ дунейы æндæр бæстæты милуангай цæрджытæ сæ уæлæдарæсыл бафидар кæнынц Георгийы лент, куыд æфсæддон намысы нысан. Афтæмæй ма иу хатт равдисынц, сæ фыдыуæзæг суæгъд кæныныл чи тох кодта, æмæ Стыр Уæлахиз чи хсыста, уыцы хъайтартæн æгæрон кад. «Георгийы лент» – у номарыны, хъæбатырдзинады æмæ фæлтæрты бастдзинады символ.
