Куыд фæбæрæг кодтой, афтæмæй куыстытæ цæуынц нысангонд æмгъуыдтæ æххæст кæнгæйæ
Уæллаг Ларсы контролон-уадзæн пункты рацарæзтыл дзырдтой республикæйы сæргълæууæджы хæстæ рæстæгмæ æххæстгæнæг Сергей Меняйло æмæ Уæрæсейы транспорты министрад æмæ Рогранстройы минæвæрттæ. Куыд фæбæрæг кодтой, афтæмæй куыстытæ цæуынц нысангонд æмгъуыдтæ æххæст кæнгæйæ. Рацарæзт фæуыдзæнис 2022-æм азы кæронмæ. Проектмæ гæсгæ фæфылдæр кæндзысты фæндаджы рæнхъыты нымæц. Уæзласæн транспортæн уыдзæнис 13 рæнхъы, рог машинæтæн та 26. Проект уымæй уæлдай адих кодта уæзласæн æмæ бæлццæттæласæн транспорты фæндæгтæ, стæй фæфылдæр кодта æрлæууæн бынæтты нымæц. Уый фæрцы Уæллаг Ларсы уылты суткæйы дæргъы цæудзæнис 3 мины 800 машинæйы бæрц. Бакусын хъæуы, цæмæй объект Терчыдонæй бахъахъхъæной, ууыл дæр. Цалцæггæнинаг у, Уæллаг Ларсы уылты цы газы магистралон хæтæл цæуы, уый дæр. Сергей Меняйло куыд загъта, афтæмæй цæттæ у, объекты реконструкцийæн бирæвæрсыг æххуыс ракæнынмæ.
