Нырæй фæстæмæ ивары бæрц уыдзæн 3-йæ – 5 мин сомы онг, гæххæттытæ та исдзысты 3 мæйæ – афæдзы онг.
Уæрæсейы фæкарздæр кодтой, тагъд æххуысы машинæйæн фæндаг чи нæ радта, уыдоны æфхæрыны домæнтæ.
Административон барадхæлдтыты æмæ Уголовон Кодекстæм ивддзинæдтæ фадат ратдзысты медицинон æххуыс афоныл бакæнынæн. Абоны онг, дохтыртæн фæндаг чи нæ лæвæрдта, уыцы шофырты ивар кодтой 500 сомæй. Хицæн хæттыты та сын-иу 3 мæймæ байстой сæ машинæ скъæрыны бардæттæг гæххæттытæ. Нырæй фæстæмæ ивары бæрц уыдзæн 3-йæ – 5 мин сомы онг, гæххæттытæ та исдзысты 3 мæйæ – афæдзы онг. Уымæй дарддæр административон бæрнондзинад æййафдзысты, медицинон кусджытæн йæ хæстæ æххæст кæнынæн къуылымпытæ чи æвзæрын кæна, уыдон дæр. Ивар сын фидын кæндзысты 4-æй – 5 мин сомы онг. Кæд барадхалæджы аххосæй адæймаг амæла, науæд та йе нæниздзинад хъыгдард куы баййафа, уæд дзуапп ратдзæн уголовон уагæй – стæрхон ын кæндзысты цыппар азы ахæстоны фæбадын.
