филиал вгтрк государственная телерадиовещательная компания “Алания”

Уæрæсейы Федерацийы хъæбатыр Геннадий Трошевы номыл Дзæуджыхъæуы 40-æм скъолайы арæзт æрцыд кадджын мадзал «Фыццаг дзæнгæрæг». Бацæттæ йæ кодтой ахуыры азы райдианмæ. Ахуырдзаутæн раарфæ кодтой скъолайы директор æмæ фонд «Быть добру»-йы хæрзаудæн проектты координатор. 40-æм скъола 2-аг аз архайы æппæтуæрæсеон хæрзаудæн акцийы «Дети вместо цветов»-ы. Уымæ гæсгæ скъоладзаутæ æмæ ныййарджытæ зонындзинæдты бон ахуыргæнæгæн лæвар кæнынц иу дидинджыты баст. Ноджыдæр ма цы дидинджытæ фæнд кодтой балхæнын, уыцы фæрæзтæ та раттынц, се нæниздзинад хъыгдард кæмæн у, ахæм сывæллæттæн кæнæ зын уавæры цы бинонтæ бахаудысты, уыдонæн чи æххуыс кæны, уыцы фондтæн. Афтæмæй 40-æм скъолайы сæмбырд кодтой 91 мин сомы.