17 августа 2023, 11:58
Уæрæсейы гвардийы цæгатирыстойнаг управленийы кусджытæ ног ахуыры азы агъоммæ бæрæггæнæн мадзæлттæ сарæзтой ахуыргæнæндæтты
Раздæр уал æркаст скодтой Хетæгкаты Къостайы номыл Цæгат Ирыстоны паддзахадон университеты
Уæрæсейы гвардийы цæгатирыстойнаг управленийы кусджытæ ног ахуыры азы агъоммæ бæрæггæнæн мадзæлттæ сарæзтой ахуыргæнæндæтты. Раздæр уал æркаст скодтой Хетæгкаты Къостайы номыл Цæгат Ирыстоны паддзахадон университеты. Федтой дондзæуæн æмæ видеоцæстдарды системæты техникон бæрæггæнæнтæ, æмæ æндæр асхджиаг кусæнгæрзтæ. Уымæй дарддæр сбæрæг кодтой бæстыхаймæ бацæуæн цæстдарæн системæ. Алы аз дæр Уæрæсейы гвардийы кусджытæ ахуыры азы райдианы агъоммæ бабæрæг кæнынц республикæйы рæвдауæндæттæ, скъолатæ æмæ уæлдæр ахуыргæнæндæттæ. Сæйраг нысан – терроризмы ныхмæ æдасдзинады мадзæлттæ сæххæст кæнын.