филиал вгтрк государственная телерадиовещательная компания “Алания”

Уæрæсейы хъæууон хæдзарадмæ цæстдарды республикон Управленийы кусджытæ рацыдысты рейды, æмæ сбæрæг кодтой, амбрози кæм зайы, ахæм бынæттæ. Зианхæссæг зайæгой парахат кæны фæндаджы былгæрæтты, быдырты æмæ цæхæрадæтты. Æвзæрырдæм ахады куыд адæймаджы æнæниздзинадыл, афтæ зæххы уавæрыл дæр. Амбрози фесафы йæ фарсмæ зайæг культурон зайæгойтæ дæр. Уымæй дарддæр хус кæны мæр, уымæн æмæ дон бирæ хæры. Ахæм рейдтæ бæрнон ведомствойы специалисттæ аразынц рæстæгæй-рæстæгмæ. Сæ ныхæстæм гæсгæ, æппæтæй зындæр у, амбрози кæм зайы, уыцы участокты хицæутты ссарын.