Систой йæ Александр Прохановы роман «Убийство городов»-мæ гæсгæ
Уæрæсейы кинотеатры экрантæм рацыд ног аивадон киноныв «Позывной «Пассажир»». Систой йæ Александр Прохановы роман «Убийство городов»-мæ гæсгæ. Кинолентæ «Позывной «Пассажир»» раргом кодта акуталон фарстатæ, æмæ дзуры сæрмагонд æфсæддон операцийы тыххæй. Дзæуджыхъæуы ног кинолентæ, премьерæйы агъоммæ, равдыстой дыууæ кинотеатры. Сæ иумæ æрбахуыдтой колледжты æмæ техникумты студентты, æмæ фæсивæдон змæлды минæвæртты. Киноныв бæстонæй дзуры 2015-æм азы Донбассы цауты тыххæй. Сæйраг хъайтар – æрыгон литератор Николай Рябинин ацыд æфсæддон цауты зонæмæ, йе фсымæры агурынмæ. Хæстон фæлтæрддзинад æм æппындæр нæй. Фæлæ хæст федта йæхи цæстæй.
Кинонывы режиссер, продюсер æмæ актертæ сæ пресс-конференцийы дзуæппытæ лæвæрдтой журналистты фæрстытæн. Куыд радзырдтой, афтæмæй съемкæтæ цыдысты 2 мæйы дæргъы Мæскуыйы облæсты. Сарæзтой дзы, æцæгдзинад æвдисæг декорацитæ. Хæдзæрттæ, кæртытæ, уынгтæ… се ппæт дæр æвдисæг сты æфсæддон цауты æцæгдзинад. Кинонывы консультанттæ – роман «Убийство городов»-ы автор, стæй уыцы цауты архайджытæ. Се ппæт дæр архайдтой раст æмæ бæлвырд информаци равдисыныл. Романы автор Александр Проханов уæлдай ахсджиагæй архайдта. Сфæлдыстадон къордимæ æнгом куыста. Киноныв «Позывной «Пассажир»» прокаты рацыд 14-æм мартъийы.
