Баст уыд Уæрæсейы гвардийы фæсчъылдымы дæлхайæдты бындур сæвæрыны бонимæ
Уæрæсейы национ гвардийы дзæуджыхъæуккаг æфсæдты иугонды арæзт æрцыд сæрмагонд мадзал. Баст уыд Уæрæсейы гвардийы фæсчъылдымы дæлхайæдты бындур сæвæрыны бонимæ. Кадджын æмбырды рæстæг иугонды командæгæнæджы хæстæ æххæстгæнæг булкъон Сергей Кутейников æмæ булкъон Сергей Чернов раарфæ кодтой службæгæнджытæн сæ профессионалон бæрæгбоны фæдыл. Хуыздæр профессионалон бæрæггæнæнтæ чи равдыста, уыцы кусджытæн радтой кады грамотæтæ, арфæйы фыстæджытæ æмæ зынаргъ призтæ. Уæрæсейы гвардийы æфсæддонтæ æмæ радхæссæг дæлхайæдты кусджытæ æхсæвæй-бонæй фæллой кæнынц æдасдзинады сæраппонд. Æмбырд кæнынц оперативон информаци, æмархайд кæнынц тыхы структурæты æппæт службæтимæ. Уымæй дарддæр æнæрлæугæйæ разамынд дæттынц Уæрæсейы национ гвардийы æппæт æфсæддон хæйттæн, зылдтæн æмæ территориалон оргæнтæн.
