Дæгъæлтæ радтой Цæгат Ирыстоны Хицауады сæрдары хæдивæг Томайты Ирбег æмæ Уæрæсейы гвардийы цæгатирыстойнаг управленийы хицау, пъæлицæйы инæлар-майор Валерий Голота
Уæрæсейы национ гвардийы ведомствæйы бæрны чи нæй, уыцы хъахъхъæнæн службæйы дæлхайады автопарк фæхъæздыгдæр 24 ног автомобилæй. Дæгъæлтæ радтой Цæгат Ирыстоны Хицауады сæрдары хæдивæг Томайты Ирбег æмæ Уæрæсейы гвардийы цæгатирыстойнаг управленийы хицау, пъæлицæйы инæлар-майор Валерий Голота. Машинæтæ æххæст сты техникон кусæнгæрзтæй æмæ бастдзинады фæрæзтæй. Ис дзы рацитæ, хъæрæйдзурæнтæ, видеорегистратортæ æмæ фыццаг æххуыс кæнынæн медицинон ифтонггæрзтæ. Автотранспорт æрвыст æрцæудзæн республикæйы æппæт районтæм. Алы машинæ дæр цæттæ у, цæмæй дзы эксплуатаци кæнын уа æвзæр боныхъæды дæр.