филиал вгтрк государственная телерадиовещательная компания “Алания”

Уæрæсейы президенты æвзæрстыты рæстæг фидæны æхсæнадон цæстдарджытæн Æхсæнадон палатæ аразы ахуырадон семинартæ. Курс конд у теоретикон æмæ практикон хæйттæй. Ахуыртæн разамынд дæттынц, рагагъоммæ сæрмагонд программæ чи ацыди, ахæм адæм. Мæздæджы районы семинар бабæрæг кодта Цæгат Ирыстоны æвзарджыты бартæ хъахъхъæныны Цæгат Ирыстоны Æхсæнадон штабы разамонæг Нина Чиплакова. Бæстонæй радзырдта æвзæрстытæм цæттæ кæныны мадзæлтты тыххæй. Райдыдтой ивгъуыд азы декабры. Ныридæгæн кусы æхсæнадон штаб, снысан кодтой æхсæнадон цæстдарджыты хыгъд, æмæ сæ ныр æрвитынц ахуыртæм.