Республикæйы разамонæг сын ракодта тæфæрфæс, æмæ загъта, сæ хъæбатыр фыртты нæмттæ æнустæм кæй баззайдзысты Цæгат Ирыстоны æмæ Уæрæсейы историйы
Уæрæсейы Президенты уынаффæмæ гæсгæ, Цæгат Ирыстоны сæргълæууæг Сергей Меняйло Лæгдзинады ордентæ радта, сæрмагонд æфсæддон операцийы чи фæмард, уыцы хæстонты бинонтæн. Республикæйы разамонæг сын ракодта тæфæрфæс, æмæ загъта, сæ хъæбатыр фыртты нæмттæ æнустæм кæй баззайдзысты Цæгат Ирыстоны æмæ Уæрæсейы историйы. Уымæй дарддæр, регионалон æмæ федералон æмвæзадыл, бинонтæн дарддæр цæудзæн æмбæлгæ æмæ алывæрсыг æххуыс. Мадзалы ма архайдтой æфсæддон комиссар Владимир Скоморох, фæллойы æмæ социалон рæзты министры фыццаг хæдивæг Маматы Анджелæ, фыдыбæстæ хъахъхъæнджыты паддзахадон фонды республикон филиалы разамонæг Хетæгкаты Маринæ.
