Æрдзырдтой Дзæуджыхъæуы цæрджыты диспансеризаци æмæ вакцинацийы фарстатыл
Уыд Дзæуджыхъæуы Æхсæнадон Советы президиумы радон æмбырд. Боны фæткмæ рахастой Уæрæсейы æмæ Америкæйы Иугонд штатты президентты хсæн ахастдзинæдтæ. Æмбырды архайджытæ дзырдтой ахсджиаг фарстатыл. Бæлвырддæр та – нæ бæстæйы разамонæджы фæрцы кæй бантыст Уæрæсе бахъахъхъæнын, æмæ дзы дунейы тыхджындæр бæстæтæй иу саразын. Советы уæнгтæ æмæ уазджытæ загътой сæ хъуыдытæ, куыд ахсджиаг у ныртæккæ рæзгæ фæлтæры патриотон хъомыладыл кусын. Цæмæй алчи дæр йæхи æвæрæн хæсса йæ регионы æмæ нæ иумæйаг фыдыбæстæйы фидардзинадмæ. Хаст æрцыд уынаффæ, æппæт организациты, ахуыргæнæндæтты, коллективты æмæ дзыллон информацион фæрæзты системон куыст банывыл кæныны тыххæй патриотон хъомылады фæдыл. Уымæй дарддæр æмбырды стыр æргом аздæхтой нысанон фарстатæм дæр. Се хсæн – Дзæуджыхъæуы фæлладуадзæн зонæты цæттæдзинад сæрдыгон сезонмæ, стæй хæдзарон фос арæх горæты уынгтæм кæй рацæуынц, уый. Бæрнон кусджыты хъуыдымæ гæсгæ, нæ республикæмæ фæстаг рæстæг цæуынц бирæ туристтæ, æмæ ахсджиаг у горæтмæ бацæуæнтæ банывыл кæнын. Стыр куыстытæ бакæнын хъæуы дендрарийы, парк «Нæртон»-ы, алыхуызон скверты æмæ æндæр зонæты. Уымæн та ахъаз фæуыдзысты сабаты цы зиутæ арæзт цыдысты, уыдон. Кæроньæттæны æрдзырдтой Дзæуджыхъæуы цæрджыты диспансеризаци æмæ вакцинацийы фарстатыл. Ацы куыст цæуы федералон æмæ республикон закъонæвæрынадмæ гæсгæ. Æхсæнадон Совет дарддæр дæр исдзæн курдиæттæ горæты цæрджытæй, æмæ архайдзæн риссагæдр фарстатæ лыг кæныныл.
