Йæ сæйраг нысан – Уæрæсе куыд æрдзон æмæ георгафион æвæрæнтæй хъæздыг, историон-культурон бынтимæ паддзахад равдисын
Уырыссаг географион æхсæнад, спортивон туризмы Федераци æмæ рухстауынады Министрад аразы егъау комплексон экспедици «Россия». Йæ сæйраг нысан – Уæрæсе куыд æрдзон æмæ георгафион æвæрæнтæй хъæздыг, историон-культурон бынтимæ паддзахад равдисын. Проекты девиз – открываем Россию заново. Уæвгæ проектæн ис стыр социалон ахадындзинад. Экспедици цæуы 50 регионы территорийы, æмæ йæ æххæст кæнгæйæ, арæзт цæудзысты алыхуызон мадзæлттæ. Фылдæр сæм здахынц фæсивæды ргом. Проекты партнертæ сты Уæрæсейы наукæты академийы георгафийы институт, телеканал «Моя планета», Уæрæсейы Æнæмæлгæ полк, проект «Молодые лидеры будущего», туризмы æмæ бæстæзоныны фæсивæдон федералон центр, ахуырадон центр «Сириус», стæй генетикон ресурсты Æппæтуæрæсеон институт. Абоны онг экспедици ахызт 17 мин километры сæрты. Мадзалы бацархайдтой 20 мин адæймаджы онг. Экспедицийы хатдзæгтæм гæсгæ мыхуыры рауадздзысты чиныг «Живописная Росссия» стæй сисдзысты документалон киноныв «Россия».
