17 июня 2021, 16:41
Уырыссаг георгафион æхсæнады цæгатирыстойнаг хайад Пензæйы облæсты хайадимæ иумæ сараздзысты этнографион экспедици
Экспедицийы нысан у – Сомихы æмæ Азербайджаны уырыссагау дзурæг цæрджыты уавæртæ базонын
Уырыссаг георгафион æхсæнады цæгатирыстойнаг хайад Пензæйы облæсты хайадимæ иумæ сараздзысты этнографион экспедици «Современный этномир. Горизонты Кавказа». Экспедицийы нысан у – Сомихы æмæ Азербайджаны уырыссагау дзурæг цæрджыты уавæртæ базонын. Экспедицийы фыццаг хай уыдзæн сентябры, ахæццæ та йæ кæндзысты 2022-æм азы апрелы. Этнографион мадзалы бацархайдзысты Цæгат Ирыстоны паддзахадон университеты студенттæ дæр. Раздæр ахæм иртасæн куыст цыди Узбекистаны, Казахстаны æмæ Кыргызстаны. Фарон сентябры Цæгат Ирыстон архайдта Уырыссаг георгафион æхсæнады регионты Советы. Уæд фембæлды архайджытæ стыр æргом аздæхтой географион ахуырады рæзтмæ.
темæмæ гæсгæ