Æркасты архайдтой Веселæйы, Павлодольскæйы, Советскийы æмæ Мæздæджы 3-æм скъолайы кадетон кълæстæ
Веселæйы хъæуы скъолайы арæзт æрцыди муниципалон кадетон бал. Æркасты архайдтой Веселæйы, Павлодольскæйы, Советскийы æмæ Мæздæджы 3-æм скъолайы кадетон кълæстæ. Кадетон балы историйы тыххæй мадзалы архайджыты зæрдыл æрлæууын кодта амонæг, театралон Цæдисы уæнг Еленæ Давыдова. Тæрхонгæнджытæ – фæлтæрдджын æфсæддонтæ, культурæйы æмæ ахуырады къабазы специалисттæ, Фыццæгты змæлды муниципалон координатор. Фембæлды рæстæг зæлыдысты æфсæддон оркестры зæлтæ. Балы программæ арæзт уыди хуыздæр традициты бындурыл. Бæрæгбон саив кодта «Хæлардзинады вальс». Уый сси Уæрæсейы адæмты иудзинады символ. Хатдзæгтæм гæсгæ, фыццаг бынат æмæ 1-аг къæпхæны диплом саккаг кодтой Советскийы скъолайы сфæлдыстадон къордæн. Дыккаг бынат адих кодтой Веселæйы æмæ Павлодольскæйы кадеттæ. Бронзæ та радтой Мæздæджы 3-аг скъолайы фæсивæдæн.
