Уæвгæ, æнæ парашютæй гæпп кæнын иуæй-иу районты тынг хъæугæ мадзал у
Зынгирвæзтыты ныхмæ ахуыртæ вертолетæй æнæ парашютæй гæпп кæнынæй равдыстой ирвæзынгæнджытæ. Уæвгæ, æнæ парашютæй гæпп кæнын иуæй-иу районты тынг хъæугæ мадзал у. Зæгъæм, цæмæй цыбыр æмгъуыдмæ ирвæзынгæнджыты зынвадат бынæттæм бахæццæ кæнай, стæй ма рæстæг дæр фæстауæрц кæнай, уый тыххæй. Зынгсирвæзтыты ныхмæ сæрмагонд хайы ирвæзынгæнджыты æнæмæнг хъæуы ахæм зонындзинæдтæ райсын. Уымæн æмæ канд Цæгат Ирыстоны территорийы нæ фæкусынц, фæлæ ма Цæгат Кавказы æппæт регионты дæр. Тренировкæйы архайдтой Уæрæсейы æнæнхъæлæджы уавæрты министрады 20 специалистæй фылдæр. Фæлæ уал сын тренировкæйы агъоммæ скодтой бæстон инструктаж. Уым раргом кодтой теорийæ зонындзинæдтæ. Цалдæр минуты арвы уæвгæйæ, вертолет æрлæууы аэродрмы сæрмæ. Иу иннæйы фæдыл ирвæзынгæнджытæ арвæй зæхмæ æрхизынц 30 метры дæргъæн троссыл. Ныридæгæн уал ахæм зонындзинæдтæ практикæйы æвдисын никæйы бахъуыд. Фæлæ куы бахъæуа, уæд специалисттæ сты цæттæ.
