Цымæ цы ис рæсугъддæр ирон уæздан кафтæй?!… Чызджыты рог уæнгты змæлд, цæхæрцæст лæппуты къахфындзтыл кафт зæрдæйы гуырын кæны алхуызон рæсугъд æнкъарæнтæ. Адæймагмæ афтæ фæкæсы, цыма хъазтархайджытæ кæрæдзийы кафты æвзагæй фембарынц. Къах айсыныл æмæ ирон хъазты уæндонæй æрлæууыныл сахуыр уыдзыстут нæ программæйы амонæг Къутæрты Аидæиымæ.
Нырыккон дохтыртæм ахсджиагдæр фарстайыл нымад у раст хæринæгтæ хæрыны уавæр. Сæ хъуыдымæ гæсгæ, адæймаг хъуамæ хæра цы бæстæйы цæры, уым бынæттон цы халсартæ æмæ хойрæгтæ сты, уыдон. Куыд уынæм, афтæмæй, нæхи ирон хуымæтæг хæринæгтæ уыцы фарстатæн иттæг хорз дзуапп дæттынц. Сты хуымæтæг, фæлæ тыхдæттæг. Нæ ацы равдысты фысым, Дыгургомы цæрæг Чегаты Регинæ нын бацамондзæн сойыфыхтæ, […]
Диссагæн баззад ирон адæммæ сылгоймаджы Сæры Зæд. Уымæн йæ хъæггæнæг- фыдæлтæй нын цы стыр кады насан баззад, цæвиттон тудджынтæ кæй æфсармæй фидыдтой, уыцы цыллæкæлмæрзæн. Куыд æй бийын хъæуы, цавæр æндахæй конд хъуамæ уа æмæ цавæр цымыдиссаг цаутимæ баст у йæ равзæрд?Адон æмæ ма бирæ æндæр сусæгдзинæдтæ уын раргом кæндзæн нæ программæйы амонæг Къутæрты Аидæ диссаджы […]
Хæдзары бирæ алыхуызон куыст кæй ис, уый æвæццæгæн, алы адæймаг дæр зоны. Уæлдайдæр хъæуы куы цæрай, уæд. Æмæ ацы хатт нæ чындздзон чызг – Къутæрты Аидæ æрбакъахцæф кодта нæ Ирыстоны фидауцджын хъæутæй иумæ, цæмæй базона ирон хæдзары, хъæуккаг сылгоймаг йæ райсом цæмæй райдайы, уый. Нæ фысым у Хæтæлдон.
Ацы хатт нæ чындздзон чызг -Къутæрты Аидæ сфæнд кодта базонын разгæмтты хуыды æмæ карсты сусæгдзинæдтæ. Цæмæн? Уымæн æмæ Ирыстоны цæрæг чызджытæ хъуамæ сæрмагондæй зоной, ирон чындзы дарæсы хуыды æмæ нывæфтыды цы нысаниуæг æвæрд ис, уый. Нæ фысым у – зындгонд ирон дарæсы дæсны хуыйæг Годжыцаты Изольдæ.
Рæстæг размæ цæуы, ивынц царды домæнтæ дæр. Кæддæр цы мигæнæнтæй æмæ дзаумæттæй пайда кодтам, уыдонæн сæ фылдæр рохуаты баззадысты. Фæлæ абоны бон ис бирæ адæм, кæй фæнды базонын æмæ раргом кæнын æрмгуысты сусæгдзинæдтæ. Афтæмæй нæ программæйы амонæг Къутæрты Аидæ дæр Танделаты Розæйы фæрцы базыдта къуымбилы куыст кæнын.
Ацы хатт та абалц кодтам Дзуарыхъæумæ. Суазæг нæ кодта диссаджы уæздан æмæ рæдаукъух сылгоймаг – Цæрауты Дилярæ. Уый фæрцы, нæ программæйы амонæг базыдта ахсын цыхт, стæй ма сарæхс дзыкка кæнынмæ дæр.
В этой серии наша героиня учится варить волшебный напиток Нартов – осетинское пиво и делать «кæрдзын» – одно из любимейших блюд, национальной кухни. Рецептами делятся современные Шатаны из селения Хаталдон.
