Ацы аз арæзт у бизнес, технологитæ æмæ карьерæйæн. Уæлдай стыр æргом дзы здæхт цæудзæн социалон проекттæм.
Абон Пятигорскы 10-æм хатт байгом уыдзæн «Цæгат Кавказы фæсивæдон форум «Машук».
Ацы аз арæзт у бизнес, технологитæ æмæ карьерæйæн. Уæлдай стыр æргом дзы здæхт цæудзæн социалон проекттæм. Ацы аз дыууæ фæлтæры бæсты, форум арæзт цæудзæн 3 фæлтæрæй. «УФ ПРОфессионалтæ», «ПРОактивон æхсæнад», æмæ «Æз – лидер». Фæстаг фæлтæр цымыдисаг уыдзæн, уыдонæн æмæ йæ райрæзтыл бакусын кæй фæнды. Æдæппæтæй Машук суазæг кæндзæн 3 мин архайæджы. Форумы архайджытæн фадат уыдзæн канд ног зонындзинæдтæ райсынæн нæ, фæлæ ма сæ хъæппæристæ царды рауадзынæн. Æдæппæтæй форумы ратдзысты дыууæ мин гранты. Юридикон æгъдауæй чи архайы, уыдонæн сæ бон уыдзæн дыууæ милуаны æмæ 500 мин сомы райсын, хицæн адæймæгтæ та – 300 мин сомы онг. Цæгат Ирыстонæй сæ проекттæ бацæттæ кодтой 89 лæппуйы æмæ чызджы. Бирæтæ сæ ныридæгæн архайдтой фæсивæдон форумы раздæры фæлтæрты. Проектты хсæн: мультфильмтæ æмæ иронау дзурæг хъазæнтæ. Æргом аздæхтой æрмдæсныйадмæ дæр. Форумы архайджытæ ацыдысты цæттæгæнæн къæпхæн. Дæсныйадæвдисæг ахуыртæ æмæ тренингтæ сын скодтой федералон эксперттæ.
