Конкурсы хатдзæгтæм гæсгæ, «Эрудит» бацыди Уæрæсейы астæуккаг, сæйраг æмæ райдайæн скъолайы ахуырады хуыздæр 700 организацийы хыгъдмæ
Ахуырад æмæ наукæйы министры хæдивæг æппæтуæрæсейон æркаст-конкурсы «Бæстæйы ахуырады сæрыстырдзинад»-ы уæлахиздзауы сертификат радта прогимназ «Эрудит»-ы разамындæн. Конкурсы хатдзæгтæм гæсгæ, «Эрудит» бацыди Уæрæсейы астæуккаг, сæйраг æмæ райдайæн скъолайы ахуырады хуыздæр 700 организацийы хыгъдмæ. Ахæм стыр конкурсы рамбулын нæ республикæйæн у кады нысан. Прогимназ у, бирæ азты традицитæ æмæ ахуырады системæ фæлтæрæй-фæлтæрмæ чи дæтты, ахæм ахуыргæнæндон. Конкурсы жирийы размæ рахастой æртæ гом проекты æмæ разындзысты хуыздæрты æмрæнхъ. Ацы æнтыстдзинад ахуыргæнджытæ æмæ сæ хъомылгæнинæгтæн дарддæры сфæлдыстадон куыстыл фæзындзæн хорзырдæм. Уæлдайдæр та абон, ахуырады хæрзхъæддзинад уæлдæр æмвæзадмæ кæныны домæнтæ хынцгæйæ. Æппæтуæрæсейон æркаст-конкурс арæзт цæуы регионты хсæн хæрзхъæддзинад æмæ инновациты центры ахуырады рæзты нысанон программæты Управленийы хъæппæрисæй.
