Афтæмæй бындур æвæрынц сывæллæттимæ нырыккон куыстæн
Ахуыр кæнынц сæхæдæг, цæмæй уый фæстæ ахуыр кæной иннæты. Ахуырадон центртæ «Точка роста»-йы педагогтæ сæ фæлтæрддзинад фылдæр кæнынц Дзæуджыхъæуы «Кванториум»-ы. Афтæмæй бындур æвæрынц сывæллæттимæ нырыккон куыстæн. 40 ахуыргæнæгæй фылдæр хъæуккаг скъолатæй ахуыр кæнынц уæлдæр технологитæм гæсгæ. Сентябры хъуамæ райдайой 42 нымæцон æмæ гуманитарон центры «Точка роста»-йы кусын.
Кванториумы лабиринтты Гæбæраты Алан фыццаг хатт ис. Елхоты дыккæгæм скъолайы технологийы ахуыргæнæг йе мкусджытимæ уæрæхдæр кæны йæ куысты зонындзинæдтæ «Точка роста»-йы æнтыстджынæй архайынмæ. Нырма уал йæхæдæг ахуырдзау у. Рауагъдгонд курс Дзæуджыхъæуы технопарчы базæйыл йемæ цæуынц фæндзай ахуыргæнæджы алы хъæуккаг скъолатæй.
Цыппар боны дæргъы ахуыр кæндзысты æхсæз уæлдæр технологон хуызы. Æнхъæлмæ сæм кæсы робототехникæ, индустрион дизайн, информацион æмæ геоинформацион технологитæ, виртуалон æмæ хайтек. Ахуыр сæ кæндзысты Кванториумы разамонджытæ.
Ахуыргæнджытæн сæрибарæй æрхъуыды кодтой ахуырады программæ. Сæйрагдæр хæс у – сфæлдыстадон ахуырадон сахатты зонгæ кæнын куысты сусæгдзинæдтимæ æмæ нырыккон кусæнгæрзтимæ архайын зонын. Цы ног зонындзинæдтæ райсой ахуырдзаутæ, уыдонæй пайда кæндзысты сæ куысты.
Ног ахуыры азмæ ахуыргæнджытæ сæхи тынг цæттæ кæнынц. Сентябры республикæйы скусдзысты «Точки роста»-йы цыппор дыууæ центры. «Точки роста» фæзындысты национ проект «Ахуырады» фæрцы. Ноджы ма федералон программæйы райрæзт федералон программæ «Нырыккон скъолайы» руаджы.
