Иумæйаг ахуырады программæйæ уæлдæй, ацы кълæсы фылдæр æмæ бæлвырддæр цæстдард цæуы хими æмæ биологийы предметтæм.
РЦИ –Алæнийы хицауады уынаффæмæ гæсгæ, ахуырад æмæ наукæйы министрады æххуысæй регионалон программæ «Ахуырады райрæзт» æххæстгæнгæйæ, Дзæуджыхъæуы 27 –æм æстæуккаг скъолайы арæзт æрцыд химион-биологон эксперименталон кълас.
Иумæйаг ахуырады программæйæ уæлдæй, ацы кълæсы фылдæр æмæ бæлвырддæр цæстдард цæуы хими æмæ биологийы предметтæм. Проектæн йа сæйраг нысан у æрмæст горæты нæ, фæлæ ма республикæйы районты цы зæрдæргъæвд æмæ куырдиатджын сывæллæттæ ис, уыдонæн сæ ахуырады зонындзинæдтæ фæбæрзонддæр кæнын. Хими æмæ биологимæ ахуырдзаутæн се ргом здахынц республикæйы хуыздæр ахуыргæнджытæ. Ацы къласы ахуыркæныны фадат ис, æрмæст горæты чи цæры, уыцы сывæллæттæн на, фæлæ ма районтæй дæр.