филиал вгтрк государственная телерадиовещательная компания “Алания”

Дзæуджыхъæуы ацыди æмхæццæ хъæбысхæстæй республикон чемпионат. Спортивон комплекс «Динамо»-йы æрæмбырд 120 адæймагæй фылдæр. Чемпионаты архайджытæ – 14 азы онг кæуыл цæуы, ахæм фæсивæд. Ацы ерыстæ сты, Цæгат Кавказы федералон зылды ерысты архайынмæ цæттæгæнæн къæпхæн, загъта Цæгат Ирыстоны æмхæццæ хъæбысхæсты федерацийы сæрдар Тыбылты Ибрагим. Фæсивæды спортивон цæттæдзинад хуыздæр кæныны тыххæй хъæуы турнирты нымæц фæфылдæр кæнын. Уый у сæ ацы азы фæнд æмæ нысан.