филиал вгтрк государственная телерадиовещательная компания “Алания”

09:31 пятница, 29 марта 2024
26 ноября 2020, 12:10
Дзæуджыхъæуы байгом нывкæнынады Æппæтадæмон равдыст-конкурс «Алания: ивгъуыды сурæттæ»

Равдыст баст у Аланийыл саргъуыды 1100 азы бонимæ

Дзæуджыхъæуы байгом нывкæнынады Æппæтадæмон равдыст-конкурс «Алания: ивгъуыды сурæттæ». Равдыст баст у Аланийыл саргъуыды 1100 азы бонимæ. Сæ куыстытæ йæм бацæттæ кодтой 50 нывгæнæджы Цæгат æмæ Хуссар Ирыстонæй, Мæскуыйæ, Краснодарæй, Санкт-Петербургæй, Венгрийæ æмæ Бельгийæ. Экспозицимæ хаст æрцыдысты 100 куыстæй фылдæр, æмæ конд сты нывкæнынады, графикæйы æмæ скульптурæйы жанрты. Æвдисынц Аланийы ивгъуыды алы æнустæ.

Конкурсы архайынц куыд хъуыстгонд нывгæнджытæ æмæ райдайгæ курдиæттæ дæр. Равдыст байгом кæныны рæстæг ма дзы арæзт æрцыд, конкурсон куыстытæ кæдæм бахастой, ахæм катаолгы презентаци. 3 азы размæ Дзæуджыхъæуккаг епархийы æмæ Цæгат Ирыстоны нывгæнджыты цæдисы иумæйаг хъæппæрисæй арæзт æрцыд нывкæнынады æмæ графикæйы 1-аг конкурс «Алания: образы прошлого». Йæ сæйраг нысан уыд, историон жанры кусын кæй фæнды, уыцы нывгæнджытæн æххуыс кæнын. Конкурсæн стыр ахадындзинад кæй ис, уымæ гæсгæ йæ бахастой, Аланийыл саргъуыды 1100 азы бæрæгбоны федералон программæмæ.

vgtrk_alania
vgtrk_alania
vgtrk_alania
vgtrk_alania