филиал вгтрк государственная телерадиовещательная компания “Алания”

Футболон клуб «Алания» йæ ног сезон райдайдзæн йæхи аренæйы. Уый тыххæй журналисттæн фехъусын кодта республикæйы арæзтады æмæ архитектурæйы министры хæдивæг Моргуаты Константин. Куыд ма загъта, афтæмæй Дзæуджыхъæумæ ссыдысты, Сочийы стадион «Фишт»-ы рухсгæнæн кусæнгæрзтæ чи æвæрдта, уыцы специалисттæ. Рацарæзты фæстæ не стадионы фæзындзысты ног рухсгæнæнтæ. Уыдонæй пайдагæнæн уыдзæн алыхуызон культурон-дзыллон æмæ ирхæфсæн мадзæлтты. Куыстытæ цæуынц национ проект «Физкультурæ æмæ спорты рæзт» æххæст кæнгæйæ. Æмтгæй райсгæйæ рацарæзтыл схардз кæндзысты 1 миллиард æмæ 800 милуан сомæй фылдæр.