Дыууæ фæлтæрæны бæрæггæнтæ иумæ нымадæй спортсменкæ систа 157 кг
Не мзæххон Гаситы Мария сси бронзæ майданы хицау Уæрæсейы чемпионаты уæззау атлетикæйæ Грознайы. Дыууæ фæлтæрæны бæрæггæнтæ иумæ нымадæй спортсменкæ систа 157 кг. Ерыстæм æй бацæттæ кодта йæ фыд Гаситы Руслан. Чемпионат райдыдта дыццæджы. Цæгат Ирыстонæй дзы архайы 11 спортсмены. Уыдон сты Соттиты Янæ, Хуыгаты Хетæг, Кæсæбиты Алыксандр, Наниты Арсен æмæ Кокайы Сослан. Æдæппæтæй дзы æрæмбырд 272 спортсмены. Фæстаг 4 азмæ афтæ бирæ архайджытæ уæззау атлетикæйæ фыццаг хатт æрæмбырд. Кадджын мадзал арæзт уыд Грознайы спортивон комплекс «Олимпийск»-ы . Турнир ахæсдзæн 24-æм августмæ. Ацы ерысты æвзæрст цæудзысты Уæззау атлетикæйæ Европæйы чемпионаты архайджытæ, уыдзæн фæззæджы, Мæскуыйы.
