2019-æм аз министрады хъæппæрисæй арæзт æрцыди 260 мадзалы
Стыр æнтыстдзинæдтæ, ног уæлахизтæ, бæлвырд куыст. РЦИ-А физкультурæ æмæ спорты министр Хуыгаты Алан йæ хатдзæгтæгæнæн раныхасы æрдзырдта ивгъуыд азы куысты бæрæггæнæнтыл. 2019-æм аз министрады хъæппæрисæй арæзт æрцыди 260 мадзалы. Се хсæн – Европæйы чемпионат боксæй юниорты хсæн æмæ хъæбысхæсты æппæтадæмон турнир «Алантæ». Специалистты ныхæстæм гæсгæ, спорты архайын кæй фæнды, ахæм адæмы цымæц кæны фылдæр. Фæфылдæр сты спортивон объектты æмæ фæзты нымæц дæр. Министр радзырдта федералон проект «Спорт – норма жизни» царды рауадзыны мадзæлттыл. Æмбырды куыд фæнысан кодтой, афтæмæй министрады фыццаградон хæстæй иу у, республикæйы спортивон хуызтæ парахат кæнын. Ацы аз райдайдзæн стадион «Спартак»-ы рацарæзты дыккаг къæпхæн. Æрыдоны фæзындзæн ног спортивон комплекс, олимпаг резервы скъолайæн та балхæндзысты спортивон кусæнгæрзтæ.
