Уым цыди менталон арифметикæйæ чемпионаты финал.
Ирыстойнаг æвзонг математиктæ Дзабиаты Денис æмæ Кочиты Дзамболат ацы бонты сыздæхтысты Камбоджæйæ. Уым цыди менталон арифметикæйæ чемпионаты финал. Дунейы алы бæстæтæй 4000 архайæджы хсæн нæ лæппутæ бæрæг дардтой, æмæ рацыдысты финалмæ. Бацахстой раззаг бынæттæ. Цавæр зонындзинæдтæ исынц нæ республикæйы менталон арифметикæйы скъолайы, уый тыххæй радзурдзæн Фидараты Маринæ.
Дзабиаты Денис раст цыма дирижеры пульты раз лæууы, афтæ. Æрмæст разамынд оркестрæн нæ дæтты, фæлæ нымæцтæн, бæлвырддæр та алыхуызон хыгъдтæн. Цымыдисаг уый у, æмæ нымæцтæ фысгæ нæ кæны, фæлæ сæ нымайы йæхинымæр.
8 аздзыд Кочиты Дзамболат та 200 фæлтæрæны скæны 7 минуты æмæ 36 секундмæ. Ахæм хъуыддагæй йæ бон раппæлын никæмæн у. Ацы бонты Дзабиаты Денис æмæ Кочиты Дзамболат сыздæхтысты Камбоджæйæ. Уым цыди менталон арифметикæйæ чемпионаты финал.
4000 архайæгæй дунейы алы бæстæтæй нæ лæппутæ рацыдысты финалмæ, æмæ бацахстой раззаг бынæттæ. Кочиты Дзамболат та ма сси æххæст чемпион. Дзабиаты Денис дæр равдыста хорз цæттæдзинад, æмæ бацахста 3-аг бынат.
Ацы æвзонг лæппуты курдиат се ппæты дæр дисы фтауы. Ахæм æнцонтæй цыфæнды зын æмæ стыр нымæцтæ цыбыр рæстæгмæ анымайынц, æмæ раст цыма цавæрдæр сусæгдзинæдтæ зонынц, уыйау. Уыимæ калькуляторæй нæ пайда кæнынц. Алцыдæр дарынц сæ сæры. Ныртæккæ та Дзамболат æмæ Денис сæхи цæттæ кæнынц Уæрæсейы чемпионатмæ. Уыдзæн 8-æм февралы Мæскуыйы. Фæлæ ма иу фиппаинаг – æвзонг курдиатджын лæппутæн се стырдæр хæрзиуæг у – æппæты зындæр хæслæвæрд сæххæст кæнын. Æмæ уал сын уыцы хъуыддаг уайы æнæ къуылымпытæй.
