Ацы куыст бакодтой кад æмæ намысы аз цæттæ кæныны регионалон дирекци
Ленинграды блокадæ сисыны бон базарадон центрты сæвæрдтой стендтæ, æмæ дзы фенæн ис бирæ цымыдисаг æрмæджытæ. Ацы куыст бакодтой кад æмæ намысы аз цæттæ кæныны регионалон дирекци. Фæсивæд стъолтыл равæрдтой дзулы кæрстытæ, æмæ сын сæ быныл бафыстой алы азтæ. Акци саразыныл бакуыстой фæсивæды республикон комитет æмæ Æппæтуæрæсеон адæмон фронты регионалон хайад.
Балтайы та егъау патриотон акцийæ дарддæр, арæзт æрцыд лæгдзинады урок. Æрбахуыдтой йæм Фыдыбæстæйы Стыр хæсты ветеранты æмæ æфсæддон быцæуты архайджыты. Се хсæн кадджын уазæг Пагæты Алыксандр. Уый 157-æм мысанæхсæн дивизийы хыгъды архайдта Ленинграды облæсть суæгъд кæныны. Уазджытæн равдыстой документалон киноныв «Блокада Ленинграда». Фæстæдæр се ппæт æрбацæуджытæ загътой сæ хъуыдытæ.
