Сты райдзаст æмæ зæрдæмæдзæугæ
Ног ахуыры аз – ног бæстыхайы. Национ проект «Ахуырад»-ы фæлгæты центр «Эрудит»-ы сывæллæттæ бахызтысты нырыккон кусæнгæрзтæй ифтонг кълæстæм. Сты райдзаст æмæ зæрдæмæдзæугæ. Скъола кусдзæн райсомы 8 сахатæй изæры 6 сахатмæ. Ацы аз дзы ахуыр кæндзысты æрмæстдæр скъолайы рагагъоммæйы æмæ райдиан кълæсты сывæллæттæ. Ахуырдзаутæ æмæ ахуыргæнджытæн раарфæ кодта республикæйы сæргълæууæг Битарты Вячеслав. Центр «Эрудит»-ы кусты тыххæй бæлвырддæр нæ дарддæры æрмæджы.
Хистæрты арфæ ног ахуыры азмæ. «Цæрæнуат æмæ горæты æнцонвадат»-ы национ проектмæ гæсгæ Дзæуджыхъæуы 18-æм микрарайоны 500 ахуырдзауæн скъолайы арæзтад райдыдта фарон майы мæй. Кадджын уавæры йæ байгом кодта Битарты Вячеслав.
Республикæйы сæргъæлууæг бафиппайдта, кусджытæ сæ размæ æвæрд хæстæ кæй сæххæст кодтой – рæвдз æмæ хæрзхъæд
Ам ис алцы дæр, цæмæй ахуырад уа цымыдисаг æмæ ахадгæ.
Скъола архайы Уæрæсейы Федерацийы ахуырады министрады инновацион программæйы. Уый та ууыл дзуры æмæ рæвдауæндоны æмæ дарддæр сывæллæттæ математикæйы урочытæ ахуыр кæнынц арф. Æргом здæхт цæуы англисаг æвзагмæ дæр. Программæмæ гæсгæ сывæллæттæ скъолайы æрвитдзысты æнæхъæн бон, уымæ гæсгæ дзы ис бирæ ирхæфсæн мадзæлттæ. 3 хатты сæ фсатдзысты тæвд хæринагæй.
Фæсурокты фæстæ сывæллæттимæ кусдзысты хъомылгæнджытæ.
Скъолайы ахуыр кæндзысты 1-æмæй 9-æм къласы онг. Ацы аз уал куысы æрмæстдæр райдиан скъола. Каникулты рæстæг сывæллæттæ кæрæдзиуыл сæнкъард сты.
3-уæладзыгон скъолайы кæрты ис спортивон фæзуат. Скъолайæн ис йæхи электрон подстанци æмæ хицæн хъармгæнæн. Объект æмтгæй ифтонг у коммуналон хызæгтæм
