Премьерæ уыдзæн ацы къуыри
Ног азы бæрæгбон республикæйы цæрджытæн цæттæ кæны бæхты театр «Нартæ». Премьерæ уыдзæн ацы къуыри. Театры артисттæн у фыццаг ахæм фæлтæрддзинад. Æнгомæй кусынц аниматортимæ. Иумæ цæттæ кæнынц рагон æмæ се ппæтæн уарзон аргъау «Снежная Королева». Чысыл аивадуарзджытæм æнхъæлмæ кæсдзысты заз бæласы алыварс зарджытæ æмæ кæфтытæ, хъæлдзæг конкурстæ. Уымæй дарддæр фендзысты джигитовкæ, стæй сын сæхицæн фадат уыдзæн цыппаркъахыг артисттыл андзæвынæн. Уæдæ хицæн ныхасы аккаг уыдзæн сценæйы æвæрд цымыдисаг сюжет. Спектаклы рæстæг æппæт æдасдзинады мадзæлттæ дæр цæудзысты æххæстгонд. Залы адæмæн уæвæн уыдзæн æрмæстдæр сæ 50 проценты. Билетты аргъ дæр бæрзонд нæ уыдзæн. Театры кусджытæн сæйрагдæр у – сывæллæттæн ног азы лæвар ракæнын.
