Кусдзæн 12-æй 24-æм августмæ
Сывæллæтты технопарк «Кванториум»-ы байгом ис сæрдыгон проектон скъола «Зонд». Кусдзæн 12-æй 24-æм августмæ. Архайы дзы 200 адæймагæй фылдæр 12 азæй 25 азы онг кæуыл цæуы, ахæмтæ. Сты Цæгат Ирыстонæй, Мæскуыйæ, Стъараполы крайæ, Хуссар Ирыстонæй, Египтæй, Францийæ æмæ æндæр рæттæй. Фæсивæды адих кæндзысты цалдæр къæпхæнæнмæ гæсгæ. Се хсæн: информацион технологитæ, æнæпилотон тæхæн аппараттæ, промышленнон робототехникæ, хайтек, биотехнологитæ, стæй æндæртæ. Скъолайы кусдзысты актуалон фарстатыл, стæй, нæ респуюликæйы туристон къабазмæ бар чи дары, ахæм проекттыл. Ахуыртæ уыдзысты лæвар. Скъолайы архайджытæн разамынд дæтдзысты технопарчы ахуыргæнджытæ, стæй профилон къабæзты специалисттæ æмæ студенттæ. Ацы проект бацæттæ кодтой УФ-йы наукæ æмæ ахуырады министрады гранты фæрæзтæй. Баххуыс кодта РЦИ-А ахуырады министрад дæр.
