Цæгат Ирыстоны кад дзы хъахъхъæны республикон къæпхæны уæлахиздзау Æрыдоны 1-æм скъолайы командæ
Æппæтуæрæсейон сывæллæтты центр «Орленок»-ы райдыдта скъоладзауты хсæн спортивон ерысты финал «Президентон спортивон хъæзтытæ». Финалы архайынц мин æмæ 5 сæдæ скъоладзауы Уæрæсейы 84 регионæй. Цæгат Ирыстоны кад дзы хъахъхъæны республикон къæпхæны уæлахиздзау Æрыдоны 1-æм скъолайы командæ. Алы командæйы дæр ис 22 адæймаджы: 10 лæппуйы, 10 чызджы æмæ 2 разамæнæджы. Ерыстæ цæудзысты 4 æнæмæнг программæйы – баскетбол, стъолыл теннис, шашкæтæ æмæ рог атлетикæ. Стæй уæлæмхасæн программæтæ – ленк кæнынæй, спортивон туризмæй, æмæ афтæ дарддæр. Ерысты сæйраг нысан у сывæллæтты æнæниздзинад æмæ удыхъæд фæфидардæр кæнын, стæй сæ физкультурæ æмæ спортмæ разæнгард кæнын.
