Абон татамимæ рацæудзысты 60 æмæ 66 килограммы уæзы нæлгоймæгтæ, стæй 48, 52 æмæ 57 килограммы уæзы сылгоймæгтæ
Абон Чехийы столицæйы райдайдзæн Европæйы Чемпионат дзюдойæ. Уæрæсейы иугонд командæйы «Евро»-йы хæрзиуджытыл тох кæндзысты Тасойты Инал, 100 килограммы уæзы æмæ Таймазты Мæдинæ 70 килограммы уæзы. Абон татамимæ рацæудзысты 60 æмæ 66 килограммы уæзы нæлгоймæгтæ, стæй 48, 52 æмæ 57 килограммы уæзы сылгоймæгтæ. 20 ноябры та сæ хъарутæ бафæлвардзысты 73 æмæ 81 килограммы онг чи ласы, уыцы спортсментæ, стæй сылгоймæгтæ та 63 килограммы онг æмæ 70 килограммы уæзы. Ерысты программæ æхгæд æрцуæдзæн в 21-æм ноябры. Пандемийæмæ гæсгæ Прагæйы аренæйы нæ уыдзæн кæсджытæ. Спортсментæ æмæ дзюдойы национ федерацийы минвæрттæ та хъуамæ ацæуой сæрмагонд тестытæ. Уыимæ хъуамæ æххæст кæной æппæт хи бахъахъхъæны нормæтæ. Æнæмæнг кæрæдзимæ хъуамæ уой дард, стæй сыл уа маскæтæ.
